Одлуката на американскиот претседател Доналд Трамп да ја стави Северна Кореја на листата држави што го спонзорираат тероризмот, за Пјонгјанг е „сериозна провокација" која го оправдува нејзиниот развој на нуклеарно оружје.
Севернокорејската новинска агенција КЦНА денеска пренесе дека Северна Кореја нема никаква врска со тероризмот и оти не се грижи за тоа дали „САД и става или не и става терористички шешир на главата".
Според наводите на КЦНА, акциите на САД претставуваат „кршење" на правата на Северна Кореја и покажуваат дека таа треба да продолжи да го изострува својот „нуклеарен меч" за да се заштити од американското непријателство.