Дваесетгодишен маж беше уапсен во околината на Мелбурн под сомнение дека планирал терористички напад во новогодишната ноќ.
– Уапсен е маж осомничен дека е вмешан во подготовка и планирање терористички напад во новогодишната ноќ во Мелбурн, соопшти полицијата.
Во 2014 година австралиските власти го зголемија нивото на закана од тероризам. Оттогаш се осуетени 13 напади меѓу кои и еден подготвуван од ИД во центарот на Мелбурн на Божик лани. Ако биде прогласен за виновен, осомничениот се соочува со доживотна казна затвор.