Светска здравствена организација (СЗО) соопшти дека околу 11 проценти од лековите во земјите во развој се фалсификувани, што најверојатно се причина за смртта на десетици илјади деца од болести како што се маларија и воспаление на белите дробови.
Тоа е прв обид на СЗО за проценка на проблемот со фалсификувани медикаменти.
Експертите испитале сто студии за повеќе од 48.000 лекови. Речиси 65 проценти од фалсификуваните медикаменти се таблетите за лекување на маларија и за бактериските инфекции.
Научниците од Универзитетот во Единбург, ангажирани од СЗО, проценуваат дека од 72.000 до 169.000 деца починале од воспаление на белите дробови откако примиле лажни лекови.