Произведувачот на играчки „Лего“ соопшти денеска дека извојувале „важна судска победа“ во Кина, каде судот донел одлука во корист на таа данска фирма во случајот против компанија која произведувала копии од познатите коцки во различни бои.
Компанијата „Лего“ наведе дека првпат добила случај против нелојалната конкуренција поради копии во Кина.Судот во Шанто образложил во пресудата дека две кинески компании кои продаваат коцки, слични на оние кои ги произведува „Лего“ го повредуваат авторското право и им нареди да го запрат производството на тие играчки.