Њујорчанка е обвинета за перење биткоини и други криптовалути и префрлање пари во странство како помош за терористичката ИД.
Обвинителството покрена постапка против Зобија Шахназ (27) поради измама и перење пари.
Поранешната лаборантка се здобила со 85.000 долари преку банкарски кредит и кредитни картички за да купи онлајн биткоини и други дигитални валути. Потоа префрлила над 150 илјади долари на лица и компании-фантоми во Пакистан, Кина и Турција.
Според обвинението таа многупати посетувала пропагандни сајтови на ИД: Била на информативен разговор на аеродромот Кенеди во јули кога сакала да отпатува за Сирија.
Нејзиниот адвокат тврди дека таа испраќала пари за помош на сириски бегалци.