Американскиот претседател Доналд Трамп изјави дека е подготвен за дијалог со Русија.
На новинарско прашање на Светскиот економски форум во Давос дали планира да се вклучи во дијалог со Русија, Трамп одговори: „Се надеваме на тоа".
Американскиот претседател негираше дека сака да го разреши специјалниот обвинител Роберт Мјулер, кој го испитува можното руско мешање на изборите во САД, како што објави „Њујорк тајмс“.
- Лажни вести, луѓе. Лажен весник. Типични лажни приказни на „Њујорк тајмс“, рече Трамп.
Според „Њујорк тајмс“, Трамп наредил Мјулер да биде отпуштен во јуни, но се откажал од својата одлука откако шефот на адвокатската канцеларија во Белата куќа, Доналд Мекган се заканил дека ќе поднесе оставка.
Весникот се повикува на четири информирани извори.