Вашингтон, 7 јуни 2018 (МИА) – Стејт департментот повлече група дипломати од градот Гуаннгџоу во Кина поради загриженост дека страдаат од мистериозна болест што личи на оштетување на мозокот, со симптоми слични што ги имаа дипломатите на Куба лани.
Според портпаролката Хедер Науерт, откако е потврдено дека еден вработен имал „медицински инцидент“, стејт департментот распоредил тим експерти да ги набљудуваат вработените во Конзулатот и членовите на нивните семејества.
Њујорк тајмс објави дека најмалку двајца американски дипломати се повлечени откако се разболеле слушајќи „чудни звуци“ во Кина.
Лани од американската Амбасада во Хавана беа повлечени вработени бидејќи кај нив било констатирано оштетување на мозокот за кое САД сметаат дека се предизвикани од чудни звуци.