„PlayStation 3 (PS3)“ односно одредени нејзини делови ќе се користат од страна на научниците кои сакаат да ја разберат причината за појавата на Алцхајмеровата болест.
„Сони“ состави тим со биолози и веќе работат на компјутерски проект „folding@home (FAH)“.
Во проектот се вклучени стотици персонални сметачи кои треба да прегледаат како формата на протеините влијае на болеста.
„FAH“ вели дека мрежата сочинета од PS3 компјутери ќе биде истакако суперкомпјутер.
Со 10 000 приклучени сметачи истражувачите мислат дека ќе можат да пресметаат околу илјада трилиони комбинации во секунда.
Брзината ќе биде близу четири пати поголема од онаа на досега најбрзиот компјутер на светот „BlueGene/L System“ на IBM, кој пресметува 280,6 трилиони калкулации во секунда.
Процесите кои се одвиваат во телото а се поврзани со Алцхајмеровата болест се случуваат за десет милионити делови од секунда. За ова да се симулира на компјутер потребно е многу подолго време.
Доброволците кои со своите сметачи учествуваат во овој проект добиваат посебен софтвер за вмрежување.