|
 |
Вести / Свет
Ал Болани: Офанзивата во Мосул ќе биде најобемна против Ал Каеда
Багдад, 12 мај (МИА) - Министерот за внатрешни работи на Ирак Џауад ал Болани вети дека ќе се справи со бунтовниците и со мрежата на Ал Каеда во северниот град Мосул.
Тој додаде дека операцијата на безбедносните сили во градот ќе биде најобемна до сега.
Пред новинарите во Киркук тој изјави дека операцијата ќе биде без преседан „затоа што ќе биде спроведена врз основа на дејствија за ограничување на бројот на бунтовници и помош на локалното население“.
Локалното население стравува дека офанзивата, која почна вчера, ќе има тешки последици по животот на народот. За да ги смири Ал Болани изјави дека заштитата на жителите во регионот е дел од операцијата.
Зголемувањето на американската војска во Багдад во јуни минатата година имаше придонес за подобрување на безбедноста во ирачкиот главен град. Се претпоставува дека бунтовниците поврзани со Ал Каеда го напуштиле градот и се прегрупирале на север, главно во Мосул, кој е главен град на провинцијата Ниневија.
Поради тоа соседните провинции стравуваат од можно преместување на бунтовниците, ако владината операција постигне успех.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|