|
 |
Вести / Свет
Арапските земји повикаа на прекин на судирите во Либан
Каиро, 11 мај (МИА) - Министрите за надворешни работи на земјите-членки на Арапската лига на денешното вонредно заседание во Каиро повикаа за прекин на насилствата во Либан.
- Имајќи ја предвид ситуацијата во Либан, Советот на министрите упатува апел за итен прекин на насилството на планината Либан и во другите делови, изјави помошникот генерален секретар за политички работи на Арапската лига, Ахмед бин Хили.
Тој најави дека министирите од арапските земји на крајот на денешната итно свикана средба ќе усвојат завршна декларација посветена на настаните во Либан.
Судирите меѓу приврзаниците на власта и опозицијата во Либан започнаа во средата, откако прозападната либанска Влада реши да спроведе истрага за легалноста на телекомуникациската мрежа што низ земјата ја постави главната опозициска сила во земјата, просириската шиитска Божја партија (Хезболах).
Во текот на денешниот ден во поголемиот дел на Либан е мирно, по жестоките судири во текот на минатата ноќ, и припадници на либанската армија се распоредени низ улиците на двата најголеми градови во земјата Бејрут и Триполи.
Според очевидци, денеска борби се водат само во реонот на планината Либан, југоисточно од Бејрут, каде мнозинството од жителите се припадници на верската заедница Друзи.
За најновите судири во Либан, САД и нејзините арапски сојузници ги обвинуваат Сирија и Иран, кои пак отфрлаат каква и да било поврзаност со настаните во оваа медитеранска земја.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|