
|
 |
Вести / Свет
Авион со американска помош замина за Мијанмар
Утапао, 12 мај (МИА) - Американски воен авион, кој носи помош за Мијанмар, тргна денеска од Тајланд, јави АФП.
- Транспортниот авион носи повеќе од 12 тони опрема за прочистување на вода, мрежи против комарци и кебиња за жртвите од циклонот кој го опустоши Мјанмар пред десет дена, изјави претставник на американската армија.
Тоа е првата американска помош која ја дозволи воениот режим во Мијанмар, откако во циклонот „Наргис“ загинаа и исчезнаа околу 62 илјади лица, според официјални податоци.
САД се едни од најголемите критичари на хунтата во Мијанмар, која според Вашингтон масовно ги нарушува човековите права и одбива да ги оствари ветените демократски реформи.
И покрај тоа, државниот секретар на САД Кондолиза Рајс изјави дека доставувањето помош за настраданите од циклонот „не е прашање на политика“.
|
|
|
 |
|
 |
 |
Пребарување
|
|
|
|
|
|
 |
IDIVIDI Речник
|
|
|
|
| Powered by MagnumPRO |
|
|
|