|
 |
Вести / Свет
|
|
Почина Ирена Сендлер, жената која спаси 2.500 деца за време на Втората светска војна
Вршава, 12 мај (МИА) - На 98-годишна возраст денеска почина Ирена Сендлер, која спаси 2.500 еврејски деца од варшавското гето за време на Втората светска војна.
Сендлер пред избувнувањето на војната работела како социјална работничка со сиромашни еврејски семејства во Варшава. Кон крајот на летото во 1942 година Сендлер станува член на движењето на отпорот Жегота кое ги помага Евреите.
Таа тајно изнесува 2.500 деца од гетото во Варшава и ги носи во католички семејства и манастири. Децата биле пренесувани во куфери и транспортирани од противпожарни и возила за собирање смет или под палтата на луѓе кои имале пристап до еврејскиот кварт. Акцијата е спроведена од октомври 1940 година до април 1943 година кога нацистите го опожаруваат гетото и ги убиваат или испраќаат во концентрациони логори луѓето кои живееле во него.
Ирена Сендлер била уапсена на 20 октомври 1943 година, осудена на смрт, но спасена од германски офицер кого отпорот успева да го поткупи.
Во 1965 година таа беше наградена за хероизмот со медал од институтот Јад Вашем од Ерусалим.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|