|
 |
Вести / Свет
Белата куќа и понуди помош на Кина за жртвите од земјотресот
Вашингтон, 14 мај (МИА) - Американскиот претседател Џорџ Буш и понуди помош на Кина, која во понеделникот беше погодена од разорен земјотрес што однесе најмалку 15.000 животи, а солидарност веќе искажаа многу други држави, градови, организации и поединци.
Буш и кинескиот претседател Ху Џинтао синоќа телефонски разговарале за последиците од земјотресот, што ја погоди југозападната кинеска провинција Сечуан, но и за билатералните односи и за ситуацијата во Тибет.
Белата куќа најави дека ќе донира 500.000 долари како прва помош за настраданите во Кина.
Германската Влада синоќа соопшти дека како прв чекор за помош на жртвите од земјотресот одвоила 770.000 долари.
Тајванските верски организации и поединци веќе донираа околу еден милион долари помош, а Тајпеј соопшти дека ја става на располагање сета можна помош за погодените региони.
Јапонија најави дека ќе упати во Кина хуманитарна помош вредна пет милиони долари и доколку е потребно ќе испрати и екипи за спасување и за пружање на помош на жртвите.
Јужна Кореја обезбеди околу еден милион долари помош, а граѓаните на Хонг Конг собраа над 50 милиони долари.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|