|
 |
Вести / Свет
|
|
Бан Ки-мун испраќа на Мјанмар висок функционер на ОН
Њујорк, 15 мај (МИА) - Генералниот секретар на ОН, Бан Ки-мун соопшти дека на Мјанмар ќе испрати еден од највисоките функционери на Светската организација.
Западните медиуми коментираат дека решението на Бан доаѓа во моментот кога се посилен станува притисокот на меѓународната заедница врз воената хунта во Мјанмар, поради нејзините ограничувања за странската помош наменета за жртвите погодени од разорниот циклон.
Медиумите наведуваат дека шефот на Агенцијата за хуманитарна помош на ОН, Џон Холмс наскоро треба да замине за Мјамнар со авион што ќе превезува хуманитарна помош.
Бан исто така најави дека ќе свика конференција на земјите кои сакаат да му помогнат на Мјанмар.
Во проценките на ОН се наведува дека околу 2,5 милиони жители на Мјанмар се погодени од последиците на циклонот Наргис, кој пред две седмици ја погоди земјата.
Според официјалните податоци бројот на жртвите е 38.491 лице, а 27.838 лица се водат за исчезнати.
Меѓутоа се стравува дека бројот на жртвите би можел да биде многу поголем, а според некои проценки би можел да достигне и 100.000 луѓе.
Воената хунта не дозволува влез за повеќето странски експерти за дистрибуција на помошта и не се откажува од политиката сама да ја распоредува помошта.
Многу западни земји повеќепати ја обвинија воената хунта во Мјанмар дека реагира бавно на кризата и дека создава пречки при испораката на меѓународната хуманитарна помош.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|