|
 |
Вести / Свет
Израелски министри бараат голема воена операција против Хамас
Ерусалим, 15 мај (МИА) - Неколку израелски министри, сите членови на Кабинетот за внатрешна безбедност, апелираа за разбивање на исламистичкото воено движење Хамас, преку голема воена операција во Појасот Газа.
Апелот беше упатен, откако палестинска ракета погоди еден трговски центар во Јужен Израел, при што 14 лица беа повредени, од кои четири потешко.
Шефот на израелското воено разузнавање Амос Јадлин изјави за весникот “Аарец“ дека доколку Израел не преземе соодветни мерки, Хамас за две години ќе биде во можност да извршува напади и во внатрешноста на изралеската територија.
- Кога стрелаат кон тебе, треба да возвратиш. Израелската армија никогаш не била поподготвена да спроведе голема воена операција во Појасот Газа, изјави за државното радио израелскиот министер за инфраструктура Бенјамин Бел Елиезер.
- Во никој случај не треба да се дозволи создавање на Хамастан долж јужната граница на Израел. Тоа е недозволиво. Треба да се стави крај на владеењето на Хамас во Појасот Газа, истакна првиот заменик-премиер Хаум Рамон.
Министерот за внатрешни работи Меир Шитрит и министерот без ресор, задолжен за пензионерите, Рафи Ејтан, исто така сметаат дека нема друг избор освен да се навлезе во Појасот Газа.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|