Кина ќе работи на спречување на поплавите по земјотресот во провинцијата Сачуан
Пекинг, 15 мај (МИА) - Земјотресот што го опустоши Сачуан предизвика сериозни проблеми со безбедноста на водните инсталациии во Југозападна Кина, соопшти министерот за водни ресурси Чан Леи.
- Може да има проблеми со избегнување на поплавите во регионот на вештачките езера, хидроелектричните централи, и други инсталации во зоната на земјотресот, рече министерот.
- На прво место треба да се увериме дека инсталациите во дефект нема да причинат нови катастрофи за време на сезоната на дождови, додаде тој.
Експерти од Министерството, одговорни за контрола на водните инсталации во регионот, до сега не соопштија за проблеми. Демантирани беа повиците за пукнатини на ѕидот на вештачкото езеро во близина на епицентарот на земјотресот. Од земјотресот не настрадало ниту гигантското вештачко езеро „Трите клисури“, кое се наоѓа во централниот дел на Кина.
|