|
 |
Вести / Свет
|
|
Во Саудиска Арабија упасени две Нигеријки осомничени дека се „вештерки“
Ријад, 15 мај (МИА) - Исламскиот одбор за промоција на доблести и превенција од пороци во саудискиот град Мека уапаси две Нигеријки кои се осомничени дека се вештерки, соопшти весникот „Араб Њуз“.
Оваа исламска „верска полиција“ ги уапсила 16-годишната Нуха и 37-годишната Заинаб во населбата Мансура.
Весникот наведува дека Нуха е најмладата „вештерка“ што досега Одборот ја има уапсено, а двете признале дека се фалеле со својата „моќ“.
Двете станале познати по тоа што тврделе дека можат да предизвикаат импотенција и на тој начин да прекинат нечија врска.
„Араб Њуз“ наведува дека на двете жени им била испратена мамка, односно жена која од нив побарала да го спречат нејзиниот маж втор пат да се ожени.
„Вештерките“ од жената побарале три илјади саудиски ријали (околу 520 евра), а следната ноќ дошле во нејзиниот стан каде почнале да ги извршуваат магиските ритуали, при што биле уапсени од членови на Одборот.
Во Саудиска Арабија во сила е строг закон согласно кој „вештерките“ и „волшебниците“ се казнуваат на смрт. Организацијата за човекови права „Хјуман Рајтс Воч“ во моментот се бори за ослободување на „вештерката“ Фавзе Фалих, која е осудена на смрт.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|