|
 |
Вести / Свет
Тројца загинати во предизборни судири во Доминиканската Република
Санто Доминго, 16 мај (МИА) - Три лица, меѓу кои и поранешен конгресмен, се убиени при судири меѓу приврзаници на ривалски партии на последниот ден од предизборната кампања за денешните претседателски избори во Доминиканската Република.
Полициски извори соопштија дека три лица загинале при судир меѓу приврзаници на власта и на опозицијата во местото Вила Васкас, на околу 200 километри северозападно од главниот град на оваа карипска држава, Санто Доминго.
Меѓу жртвите е 50-годишен поранешен член на Долниот дом на Конгресот, Франсиско Антонио Фернандес и неговиот телохранител.
Фернандес беше избран како пратеник на главната опозициска партија, Доминиканската револуционерна партија, но подоцна се приклучи кон владејачката центристичка Доминиканска партија на слободата на претседателот Леонел Фернандес, кој на денешените избори веројатно ќе добие и трет мандат.
По престрелката, полицијата уапси пет лица, меѓу кои е и поранешниот сенатор и локален лидер на Доминиканската револуционерна партија, Бернардо Алеман.
Главен ривал на Леонел Фернандес на претседателските избори е бизнисменот Мигел Варгас, кој е кандидат на Доминиканската револуционерна партија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|