|
 |
Вести / Свет
|
|
Ал Каеда во Јемен се заканува со напад на странци кои не се муслимани
Дубаи, 16 мај (МИА) - Ал Каеда во Јемен се закани со напади на Арапскиот Полуостров, кои би биле насочени против странци, кои не се со исламска вероисповест, независно дали се туристи, дипломати, научници или новинари.
Во редакциската статија на интернет изданието на организацијата Ал Каеда во Јемен ги предупредува странците да не го посетуваат Арапскиот Полуостров, затоа што ќе станат главна цел на верски мотивиран напад.
Во Јемен имаше бран од неколку помали напади врз владини згради и странски амбасади во последните седмици.
Крилото на Ал Каеда предупредува дека нема да почитува никакви договори меѓу Владата на Јемен и било која друга држава.
- Осама бин Ладен ви испрати предлог, но вие го игнориравте прекинот на огнот, се наведува во соопштението на интернет страницата.
Во април 2004 година лидерот на Ал Каеда им предложи на европејците прекин на огнот, доколку војниците ги напуштат муслиманските земји.
Ал Каеда ги предупреди и Јеменците кои ги заштитуваат или придружуваат „неверниците“ дека ги очекува истата судбина и се закани дека претстваници на владините сили исто така ќе бидат цел на напад, доколку ги попречат бунтовниците да водат борба со „воинствените крстоносци“.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|