|
 |
Вести / Свет
|
|
Црвен крст- Најмалку 128.000 загинати во циклонот во Мјанмар
Јангон, 16 мај (МИА) - Бројот на загинатите во налетот на циклонот Наргис во Мјанмар се искачи на 43.318 соопшти државното радио, додека Црвениот крст проценува оти цифрата може да биде 128.000.
Според официјалните податоци како исчезнати се водат 27.838 луѓе, а бројот на повредени е 1.403. Наргис погоди пет области и држави - Ајејавади, јангон, Баго, Мон и Каин на 2 и 3 мај.
Речиси две недели по циклонот преживеаните немаат вода за пиење и ориз јави Би-Би-Си.
Иако воените власти во Мјанмар вложија импресивен напор на средување на Јангон, се уште нема никакви показатели дека помошта пристигнува во подрачјето на делтата, јави дописничката на Би-Би-Си.
Премиерот Теин Сеин изјави дека фазата на давање помош е завршена и почнува фазата на обнова.
Потсекретарот на ОН задолжен за помош во вонредни ситуации Џон Холмс изјави дека ситуацијата е „многу фрустирачка“. Тој ги повика властите во Мјанмар не само да дозволат влез за странски хуманитарни работници во државата туку и да прифатат меѓународна понуда во вид на хеликоптери и чамци со кои би се пренела неопходната помош во тешко достапните подрачја.
Би-Би-Си наведува дека многу хуманитарни работници чекаат визи, а на оние што им е одобрена виза таа се однесува на дејствување само во Јангон.
Црвениот крст денеска побара 50,8 милиони долари за помош на околу 500.000 загрозени во зоната на делтата за обезбедување вода и засолништа во следните три години.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|