|
 |
|
Вести / Свет
|
|
„Гринпис“ протестираше против производството на биогориво
Лима, 16 мај (МИА) - Еколошката организација „Гринпис“ на тврдината на старите Инки во Мачу Пикчу, на југоистокот на Перу организираше протест против производството на биогориво, наведувајќи дека тоа ќе има огромно влијание врз шумите во Латинска Америка.
Во пресрет на самитот на ЕУ и Латинска Америка и Карибите, кој денеска и утре се одржува во престолнината на Перу, „Гринпис“ апелираше на светските лидери да ја заштитат амазонската тропска шума од ширење на земјоделското земјиште со цел одгледување на шеќерна трска за добивање етанол.
Членовите на „Гринпис“ на протестот истакнаа плакати со слики од урнатините на градот Мачу Пикчу како еден од седумте нови светски чуда, како и со слоганите „Да ја сочуваме шумата, да ја сочуваме планетата“.
Во соопштението на таа еколошка организација се истакнува дека сечењето и палењето на шумите со цел производство на биогориво на ослободување јаглен-диоксид, гас кој се смета за главен виновник за климатски промени.
Се очекува на самитот во Лима да присуствуваат лидерите на Бразил, на Венецуела, Еквадор и Боливија, земји кои како Перу имаат подрачја прекриени со тропски шуми.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|