|
 |
Вести / Свет
САД ќе го продолжат престојот на 2.200 маринци во Авганистан
Вашингтон, 4 јули (МИА) - Соединетите Американски Држави ќе го продолжат за еден месец, до ноември, присуството на 2.200 маринци во Авганистан, соопштија американски воени извори.
Мисијата на војниците е продолжена по барање на Меѓународните сили за поддршка на безбедноста во Авганистан под команда на НАТО (ИСАФ), а решението е донесено оваа недела од американскиот министер за одбрана Роберт Гејтс.
Американските маринци во моментот се распоредени во немирната јужна авганистанска провинција Хелманд. Првично 24-от експедиционен корпус било предвидено да се врати во САД во октомври.
Американските медиуми објавија по повод продолжувањето на мисијата дека воените команданти на САД повеќепати нагласувале на потребата од зголемување на бројот на американскиот контингент во Авганистан. Во моментов 18 илјади американски војници учествуваат во подготовката на авганистанската армија и трагаат по борците на Ал Каеда, а други 14 илјади се во составот на 47-илјадните сили на ИСАФ.
Соочени со зголемената активност на бунтовниците, американските команданти сметаат дека е неоходно да се испратат уште најмалку 7.500 војници. Американскиот претседател Џорџ Буш планира до крајот на годинава да одреди кои воени единици можат да бидат испратени во Авганистан на почетокот на 2009 година.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|