|
 |
Вести / Свет
Претставничкиот дом на Конгресот на САД одобри 48 милијарди долари за борба против сидата
Вашингон, 25 јули (МИА) - Претставничкиот дом на американскиот Конгрес усвои закон со кој во следните пет години ќе се отпуштат 48 милијарди долари за борба против сидата, туберкулозата и маларијата.
Законот веќе беше поддржан од Сенатот, и сега останува тој да биде потпишан од шефот на државата Џорџ Буш.
Претседателот Буш првенствено побара од Конгресот за неговиот план да одобри 15 милијарди долари за борба против сидата во Африка и на други места во светот. Демократите кои што имаат мнозинство и во двата дома на Конгресот, одлучија да ја прошират програмата и да доделат поголема сума пари.
Финансирањето на медицинските и истражувачките програми ќе се одвива во рамки на т.н. Итен претседателски план за борба против сидата, усвоен во 2003 година.
Според официјалните податоци во светот има околу 33 милиони лица носители на ХИВ - вирусот и заболени од сида. Благодарение на планот на Буш во изминативе пет години 1,7 милиони лица кои што се заболени од сидата или заразени од вирусот на ХИВ ја добиле потребната медицинска помош.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|