Лажна закана за подметната бомба во кинески авион
Токио, 8 август (МИА) - Авион на кинеската авиокомпанија „Ер Чајна“ денеска, набрзо по полетувањето, беше принуден да се врати на аеродромот во Токио, поради добиена лажна закана за подметната бомба во леталото, јави АФП.
- Авионот на летот 406 беше вратен поради заканиа со бомба. Бидејќи е утвдено дека не постои никаква опасност, авионот наскоро повторно ќе полета, изјави портпаролот на токискиот меѓународен аеродром, Акико Ногучи.
Како што јавија јапонските медиуми, управата на аеродромот добила писмо по електронска пошта во кое се тврдело дека во авионот е поставена бомба. По проверката на леталото е утврдено дека во него нема никаква експлозивна направа.
Авионот лател на релација Токио-Шангај-Чонгкинг.
|