Талабани: Војските на САД ќе останат во Ирак до 2011 година
Багдад, 27 август (МИА) - САД побараа одлука од Ирак нивните војски да останат на ирачка територија до 2015 година, но ирачките учесници во преговорите го ограничија тој рок до 2011 година, изјави претседателот на Ирак Џалал Талабани.
- Американскиот предлог беше војските да останат до 2015, а ирачкиот до 2010 година. Постигнавме согласност за 2011 година. Ирак има право, ако е неопходно, да го продолжи присуството на тие војски, истакна Талабани.
|