|
 |
Вести / Свет
Најмалку 12 жртви на ураганот Густав во Лујзијана
 Вашингтон, 2 септември (МИА) - Најмалку 12 луѓе загинаа во американската држава Лујзијана и покрај тоа што силата на ураганот Густав е намалена до прва категорија по скалата на Сафир-Симсон со максимална брзина на ветровите од 145 километри на час.
Ниту една од жртвите не е од Њу Орлеанс. Возрасен пар загина во Батан Руж откако дрво паднало врз нивната куќа. Четири лица загинаа во сообраќајна несреќа додека се евакуирале, а шестмина пациенти, во тешка здравствена состојба, починале за време на евакуацијата од болниците во Лујзијана.
Ураганот Густав, што во меѓувреме ослабна до тропска бура предизвика поплави и прекин на електричната енергија.
Локалните власти внимателно ја следат состојбата на бреговите на реката Мисисипи поради обилните дождови и силните ветрови.
Гувернерот на Лујзијана Боби Џиндал и градоначалникот на Њу Орлеанс Реј Најган апелираа до евакуираните граѓани да не брзаат да се вратат во своите домови, бидејќи се уште не е безбедно.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|