|
 |
Вести / Свет
|
|
Вашингтон отвори трговско претставништво во Триполи
Триполи, 6 октомври (МИА) - Соединетите Американски Држави отворија трговско претставништво во Триполи, со цел да ги оживеат економските односи со Либија, која е богата со нафта, соопштија денеска либанските медиуми.
Трговското претставништво официјално било отворено синоќа од страна на помошник државниот секретар на САД Исраел Ернандес во присуство на претставници на либиската Влада, како и на американски и либиски компании.
- Целта на претставништвото е да се активира соработката и трговијата меѓу двете земји, истакна Ернандес.
Отворањето на претставништвото се случува точно еден месец по историската посета на американскиот државен секретар Кондолиза Рајс на Либија.
Во август САД и Либија потпишаа договор за обештетување на жртвите од конфликтот меѓу двете држави во 80-тите години, кој ќе овозможи меѓусебно зближување по неколку десетици години од прекинувањето на двостраните односи.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|