Две експлозиии крај Зелената зона во Багдад
Багдад, 7 октомври (МИА) - Две силни експлозии одекнаа во близина на ирачкото Министерство за надворешни работи, веднаш до обезбедуваната Зелена зона во Багдад, додека високиот американски гостин - заменик државниот секретар на САД Џон Негропонте во соседната зграда се подготвуваше за прес конференција, пренесоа агенциите.
Експлодираа две минофрлачки гранати, а пет лица се повредени во овие напади. Репортерите на светските агенции од овој град говорат и за повеќе запалени автомобили.
Зградата на ирачкото Министерство на надворешни работи е веднаш до Зелената зона, каде се наоѓаат амбасади, владини објекти, резиденции, меѓународни агенции.
Во оваа зона утринава беа собрани многу новинари и медиуми за да известуваат од пресконференцијата на Негропонте и ирачкиот шеф на дипломатијата Хошијар Зебари, посочуваат агенциите.
|