|
 |
Вести / Свет
|
|
Три смртни случаи во Кина по употреба на женшен инекции
Пекинг, 10 октомври (МИА) - Кинеските власти наредија повлекување од пазарот и забрана за употреба на две производствени серии лекови на база на лековито растение, кои им се даваат на пациентите во вид на инекции, откако три лица починаа по нивната употреба.
Лекот на база на „сибирски женшен“ предизвика негативни реакции уште кај три лица во југозападната кинеска провинција Јунан.
Во фирмата „Вандашан фармасјутикалз“, во провинцијата Хеилунгџенг, која веќе 30 години го произведува овој растителен препарат, тврдат дека лоцирале проблематични производствени серии и лекот од нив не е дистрибуиран во болниците. Продажбата и користењето на овој медикамент се забранети во двете провинции.
Станува збор за растителен препарат кој се користи за лекување на црниот дроб и бубрезите, а се смета дека им помагаат и на болните од срце, кај нервната исцрпеност и проблеми поврзани за менопаузата.
До овој скандал доаѓа во моментот кога се уште не се смирил претходниот, предизвикан од затруеното кинеско млеко со меламин.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|