Иран планира изградба на Персиски нафтовод до Европа
Техеран, 14 октомври (МИА) - Иран планира да изгради Персиски гасовод со кој природниот гас од иранските наоѓалишта ќе биде транспортиран до Европа независно од гасоводот Набуко, изјави шефот на одделот за планирање во иранското Министерство за нафта Акбар Торкан.
- Немаме ништо со гасоводот набуко и бидејќи ЕУ најави дека не и треба ирански гас, направивме нов план, независен од Набуко, изјави Торкан.
Иран е втора држава во светот по резерви на природен гас по Русија. Торкан наведе дека повеќе европски земји меѓу кои и Турција, Швајцарија, Австрија, Германија, Италија и Грција покажале заинтересираност за купување гас од Иран.
Тој додаде дека Персискиот нафтовод нема да биде конкуренција на Набуко, но не даде детали кога би бил изграден гасоводот и колку ќе чини неговата изградба.
Проценките за Набуко се - 12 милијарди долари и би требало да проработи во 2013 година.
|