|
 |
Вести / Свет
|
|
Фатах го одби повикот на Хамас за билатерални разговори
 Тел Авив, 14 октомври (МИА) - Организацијата Фатах на палестинскиот лидер Махмуд Абас го одби барањето на ривалскиот Хамас да се состанат пред преговорите за помирување на сите палестински фракции, кои треба да се одржат следниот месец во Каиро, соопштија денеска претставници на Фатах.
Умерениот Фатах тој повик го означи како обид на радикалното исламистичко движење Хамас за исклучување на преостанатите 11 палестински организации и за измена на планот на Египет.
Египетските посредници, предводени од шефот на разузнавачката служба, генералот Омар Сулејман, одржаа повеќе одвоени состаноци со претставниците на Фатах и на Хамас, со цел да се надмине јазот, кој настана откако Хамас со употреба на сила ја презеде контролата врз Појасот Газа во јуни 2007 година. Од тогаш Фатах владее само со Западниот Брег.
Абас инсистира Фатах да не се состане со Хамас, се додека движењето не се откаже од контролата врз Појасот Газа.
Палестинските функционери нагласија дека дека 12-те фракции, кои припаѓаат на Палестинската ослободителна организација (ПЛО), на чело со Фатах, го прифаќаат планот за помирување, предложен од Египет. Во планот се повикува на ставање крај на контролата на Хамас врз Појасот Газа, со формирање на преодна Влада, со што ќе се отвори пат за одржување парламентарни и претседателски избори и за помош на Арапите во повторната изградба на безбедносните сили.
Преговарачот на Хамас Муса Абу Марзук, кој живее во егзил во Дамаск, вели дека неговата организација се согласува на заедничка влада и повикува на формирање комитет за надминување на несогласувањата. Хамас победи на парламентарните избори на почетокот на 2006 година и со тоа и стави крај на децениската доминација на Фатах на палестинската политичка сцена. Абас е избран за претседател една година пред тоа, по смртта на долгогодишниот палестински лидер Јасер Арафат.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|