|
 |
Вести / Свет
|
|
Двајца војници убиени во престрелка на границата на Камбоџа со Тајланд
Бангкок, 15 октомври (МИА) - Двајца камбоџански војници се убиени и двајца повредени денеска при престрелка на границата со Тајланд, соопшти министерот за надворешни работи на Камбоџа Хор Намхонг.
Тајландски воен командант соопшти за петмина повредени тајландски војници.
Армијата на Камбоџа зароби десет тајландски војници по судирите во оспоруваниот граничен реон во близина на 900-годишниот храм Преах Вихеар,изјави Хор Намхонг на прес-конференција во Пномпен.
Министерот за надворешни работи додаде дека премиерот наредил кон заробениците да се однесуваат добро. Тие може да бидат вратени на Тајланд, доколку Бангкок побара.
Јаболко на раздорот меѓу двете соседни земји е имено древниот храм Преах Вихеар, кого и Тајланд и Камбоџа го сметаат за дел од својата култура. Нивниот спор датира уште од 1962 година, кога Меѓународниот суд за правда одлучи дека остатоците од тој храм и припаѓаат на Камбоџа. Тајланд, меѓутоа тврди дека влезот на храмот се наоѓа на негова територија.
УНЕСКО годинава го вклучи храмот во списокот на светското културно наследство, каде тој фигурира како камбоџански.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|