Питон, домашен миленик задави двегодишно девојче од Оксфорд, недалеку од Орландo на Флорида, јавија локалните весници.

Сопственикот на змијата Чарл Џејсон Дарнел, кој живеел во вонбрачната заедница со мајката на девојчето, рече дека питонот во текот на ноќта излегол од својот терариум, и го задавил девојчето замотувајќи се околу неа.

Дарнел на питонот му нанел повеќе убоди со нож за да го спаси девојчето, но се било без успех.

Сопственикот на змијата немал дозвола за чување рептил во куќата што би можело да биде третирано како кривично дело. Засега против него не е поднесено обвинение, но полицијата соопштила дека истрагата е во тек.

Претставник од полицијата рече дека чувањето рептили претставува се поголем проблем не заради животните туку за луѓето. Животни се купуваат додека се мали, а кога ќе пораснат не можат ниту да се контролираат ниту да се пуштат на слобода, наведе тој.