|
 |
|
Вести / Свет
|
|
Обама: САД се стремат да ги градат односите со Русија врз основа на еднаквост
Вашингтон, 3 јули (МИА) - САД се стремат „да ги изградат односите со Русија врз основа на еднаквост, изјави синоќа американскиот претседател Барак Обама во интервју за руски медиуми, пред закажаната посета на Москва следната недела каде ќе оствари средба на високо ниво.
- Русија е голема земја со исклучителна култура и традиција. Таа останува меѓу најмоќните држави во светот. Според мене таа има колосален потенцијал како сила за поддршка на стабилноста и развојот на меѓународната заедница, истакна Обама.
Тој потсети дека во последните години „имало период во кој руско-американските односи не беа на висина“.
- Откако ја презедов функцијата изјавив дека сакам да го притиснам копчето за рестарирање на односите меѓу САД и Русија, нагласи американскиот претседател.
Според него, денес се откриваат сериозни можности за меѓусебна соработка во областа на економијата, одбраната, борбата против терористичките закани во двете земји, проширувањето на трговијата, а исто така и во „конструктивното реагирање за прашања како Иран“.
Обама рече дека Русија и САД се нуклеарни држави и поради тоа врз нив лежи и специјална одговорност, оценувајќи дека двете држави треба да соработуваат во зајакнување на мирот.
Американскиот претседател изрази задоволство од претходните средби со рускиот лидер, објаснувајќи дека „претседателот Дмитриј Медведев е многу темелен и прогресивен човек и успешно ја води Русија низ 21. век“.
По повод претстојната прва негова средба со рускиот премиер, Обама истакна дека Владимир Путин „јавно е многу силен лидер на рускиот народ“.
Обама изрази надеж дека претстојните разговори во Москва ќе му помогнат „подобро да ги разбере“ политичките приоди на руските лидери и тоа што им предизвикува вознемиреност.
- Да се надеваме дека од своја страна тие ќе дојдат до заклучок дека со мене може да се работи ефективно, нагласи американскиот претседател.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|