|
 |
Вести / Свет
|
|
Началникот на најголемата воено-воздухопловна база во Канада уапсен и обвинет за убиство и за сексуално насилство
Монтреал, 9 февруари (МИА) - Началникот на најголемата воено-воздухопловна база во Канада полковник Расел Вилијамс беше уапсен и обвинет за убиството на две млади жени, како и за два случаи на сексуално насилство.
Телото на 27-годишната Џесика Лојд, прогласена за исчезната пред десет дена, било пронајдено вчера во општината Твид, провинција Онтарио, каде што живее 46-годишниот полковник Вилијамс - началник на воено-воздухопловната база во Трентон, се вели во соопштението на полицијата во Онтарио.
Уапсениот офицер е обвинет исто така и за убиство со умисла на десетарот Мари-Франс Комо, која била пронајдена мртва во својот дом во Брајтон, во истиот регион, во ноември 2009 година. Таа служела во 437-от ескадрон од канадските сили во Трентон и била под наредба на полковник Вилијамс.
Началникот на Генералштабот на канадските военовоздухопловни сили генералот Андре Дешан изјави дека го прифаќа искучително сериозно секое обвинение против неговиот потчинет за нарушување на воениот кодекс или за злосторство.
Вилијамс исто така е обвинет и за сексуално насилство минатата година врз две жени, посочува полицијата.
Поради сличноста на овие две злосторства со други сериозни случаи во околината на Белвил, полицијата проверува дали тие се поврзани.
За време на својата кариера, Вилијаммс пилотирал со авионот СС 144 „Чалинџер“, користен од гувернерот и од премиерот на Канада, како и од членови на британското кралско семејство при посетата на Канада.
Пред да раководи со 437-от ескадрон во Трентон пред две години, тој бил началник на канадската тајна база на Блискиот Исток - Кемп Мираж во близина на Дубаи.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|