Монкоул, 6 април (МИА) - Дваесет и пет рудари загинаа во експлозијата во рудникот за јаглен во Западна Вирџинијја, САД, соопштија американските медиуми, цитирајќи ја компанијата сопственик на рудникот “Мејси енерџи“.
Ова е најтешката несреќа во американски рудник од 1984 година. Тогаш во пожар во рудник во сојузната држава Јута загинаа 27 лица.
Рудникот во кој изминатата ноќ се случи експлозијата, од поодамна има проблеми со безбедноста на работниците, забележуваат медиумите.
Спасувачките екипи се обидуваат да стигнат до десет рудари, за кои се претпоставува дека останале затрупани ви рудникот.
Спасувачката акција, меѓутоа, е прекината, иако се уште не е позната судбината на четири рудари.