Токио, 8 јуни 2010 (МИА) - Новиот јапонски премиер Наото Кан го претстави денеска официјално својот нов кабинет, кој се состои од 17 министри и државни секретари, од кои 11 се од претходниот владин состав на Јукио Хатојама, кој минатата недела поднесе оставка.
Портпаролот на новата Влада Јошито Сенгоку изјави дека носителите на министерските функции во неколку од поважните министерства остануваат исти. Кацуа Окада и натаму е министер за надворешни работи, Тошими Катазава е министер за одбрана, а Сејџи Маехара е на чело на Министерството за транспорт.
Министерството за финансии, кое во претходниот состав беше раководено од Кан, му е доверено на неговиот поранешен заменик, 52-годишниот Јошико Нода, кој е познат како приврзаник на буџетските економии. Тој ќе има сложена задача да ја заживее економијата, а истовремено и да го ограничи големиот државен долг, кој изнесува повеќе од половина од Бруто домашниот производ.