Вашингтон, 1 септември 2010 (МИА) - Пасторот Тери Џоунс од црквата во Флорида денеска изјави дека се откажува од плановите да го запали Куранот утре по повод деветгодишнината од нападите на 11 септември 2001 година.
Тој истакна оти се надева дека муслиманскиот имам ќе организира средба со луѓето кои планираат да изградат исламски центар во близина на местото каде што беа Кулите близначки.
- Верувам дека како што беше ветено, оти утре ќе се сретнам со имамот во Њујорк, истакна Џоунс.
Џоунс синоќа разговараше со Мухамед Мусри, претседателот на Исламското здружение во Централна Флорида при што било договорено двајцата денеска да заминат за Њујорк и да се сретнат со имамот Фејсал Абдул Рауф, шефот на Здружението кое планира изградба на муслиманскиот културен центар.