Пекинг, 16 октомври 2010 (МИА) - Дваесет рудари загинаа, а седумнаесет останаа затрупани под земја во рудник на јаглен во централна Кина, каде денеска имаше експлозија од гас, пренесоа светските агенции, повикувајќи се на кинеската влада.
Гасот ексллодира во рудник за камен јаглен во провинцијата Ханан, соопшти агенцијата Ксинхуа.
Во тек е спасувачка операција.
Кинеските рудници се сметаат за најопасни во светот, посочуваат западните агенции.
Минатата година, според официјални податоци, во несреќи во кинеските рудници загинаа 2.630 лица. Но, според независни извори, има многу повеќе жртви, бидејќи многу несреќни случаи се премолчуваат за рудниците да не бидат затворени.