Сеул, 26 ноември 2010 (МИА) - Јужнокорејски воени претставници изјавија дека слушнале денеска артилериски оган од Северна Кореја, но на јужнокорејска територија не паднала ниту една граната.
Очевидец од островот Јеонпјеонг изјави дека се слушале звуци од огнено оружје.
Претставник на јужнокорејскиот Генерал-штаб, пак, нагласи дека од островот, кој во вторникот беше цел на артилериски напад од Северна Кореја, два пати се слушнале артилериски истрели.
Според јужнокорејските медиуми истреланата муниција сепак паднала северно од спорната поморска граница меѓу двете Кореи, во севернокорејските води. Јужнокорејска телевизија пренесува изјави на воени експерти според кои истрелите не биле насочени кон јужнокорејска територија.