Каиро, 27 јануари 2011 (МИА) - Лидерот на египетската опозиција Мохамед ел Барадеј се врати во Египет во екот на најголемите антивладини протести во изминатите неколку години.
Барадеј, 68-годишен добитник на Нобелова награда за мир, вечерва пристигна во Каиро каде беше поздравен од неговите роднини и пријатели.
Тој изјави дека се вратил во земјата бидејќи е дојден клучен момент во животот на Египет и дека мора да учествува во него заедно со египетскиот народ.
Во Египет денеска продолжија протестите против претседателот Хосни Мубарак кои бараат негово симнување од власт.
Пред своето заминување од Виена каде живее, Барадеј изјави дека е време Мубарак да се повлече.
- Тој е во функција на државата веќе 30 години и време е да се пензионира, истакна Барадеј.