Ерусалим, 15 февруари 2011 (МИА) - Израелскиот премиер Бенјамин Нетанјаху изјави дека арапскиот свет во моментов го испитува „земјотресот“, пренесоа агенциите.
Израел се надева дека ќе ги зацврсти постојните мировни договори и дека ќе потпише нови, но е подготвен „за секаков развој на ситуацијата“, рече Нетанјаху на вчерашната церемонија на стапување на должноста на новиот началник на израелскиот Генералштаб Бени Ганц.
Израел и Египет во 1979 година потпишаа мировен договор, што стана стожер на стабилноста во регионот.
Високиот воен совет, кој ја презеде власта во Египет по повлекувањето на претседателот Мубарак, уверува дека ќе ги почитува сите договори во кои Египет е страна, со што донекаде ја смири загриженоста на Израел.