Токио, 15 март 2011 (МИА) - Јапонските власти официјално ја потврдија смртта на 2.475 луѓе во земјотресот со интензитет од девет степени по Рихтеровата скала што ја погоди земјата на 11 март.
Повеќе од 2.000 луѓе се повредени во земјотресот, додека непозната е судбината на уште 3.600 луѓе.
Јапонската полиција соопшти дека нема никаква врска со неколку десетици илјади луѓе од крајбрежните градови и села погодени од цунамито. Околу 8.000 лица привремено се сместени, но отежнато е нивното снабдување со храна.
Во префектурата Мијаги болниците се соочуваат со недостиг на лекови и гориво и не можат да им ја пружат потребната помош на пациентите.