Токио, 22 март 2011 (МИА) - Пареа се издигна утрово над блокот два во јапонската нуклеарка „Фукушима 1“, а бел чад се издигна над третиот реактор од централата.
Компанијата оператор на нуклеарката „Токио електрик пауер“ (
ТЕПКО) подоцна објави дека одново ги почнала работите за обнова на снабдувањето со електрична енергија на енергетските блокови 1, 2, 3 и 4, со цел да бидат активирани нивните системи за ладење.
Од компанијата појаснија дека е извршена проверка и чадот испуштен од нуклеарните реактори 2 и 3 се претворил во пареа. Тоа значело дека е можно да бидат продолжени работите за вклучување на струјата.