Лондон, 5 април 2011 (МИА) - Синовите на либискиот лидер Моамер Гадафи меѓусебно се спротивставија околу прашањето за изнаоѓање излез од либиската криза, пишува весникот „Дејли телеграф“.
Сеиф ал Ислам предлагал да дејствува како привремен лидер на земјата, кој ќе го набљудува преминот кон демократски систем. Оваа идеја ја поддржувал и Саади, кој имал влијание во либиската армија.
Противници на идејата, меѓутоа, биле другите двајца синови на Гадафи - Мутасим, кој е советник за национална безбедност, и Хамис, кој е командант на елитните единици на Либија.
На чело на двата спротивени табори всушност се Сеиф ал Ислам и Мутасим, меѓу кои непријателството трае речиси десет години. Мутасим ја користел доскорешната популарност на Сеиф ал Ислам на Запад.
Истовремено, неименувани претставници на алжирското разузнавање предупредија дека северноафриканското крило на Ал Каеда - Ал Каеда во исламскиот Магреб, се снабди со оружје, разграбено од либиските арсенали, пишува весникот „Дејли телеграф“.
Бомбардирањата на Либија им овозможија на терористичките групи да добијат слободен пристап до некои од арсеналите на полковникот Гадафи, тврдат алжирски разузнавачи.