Виена, 16 април 2011 (МИА) - Јапонските власти ја информираа Меѓународната агенција за атомска енергија дека 28 работници од нуклеарната електрана Фукушина-Даичи примиле високи дози на радиоактивно зрачење, во обид да ја стабилизираат ситуацијата во централата оштетена во земјотресот и цунами брановите од 11 март.
Од 300 работници колку што работеле во централата Фукушима, 28 примиле доза од најмалку 100 милисиверти радиоактивно зрачење.
Меѓународната агенција соопшти дека ниту еден работник не примил доза поголема од дозволената во Јапонија, за работници кои се ангжарирани во време на вонредна состојба, а која изнесува 250 милисиверти.
Просечната доза која работниците во нуклеарните елетрани ја примаат за пет години е околу 50 милисиверти.