Мисрата, 18 април 2011 (МИА) - Околу 1.000 луѓе се убиени, а 3.000 се ранети во Мисрата во изминативе шест недели, колку што силите лојални либиски лидер Моамер Гадафи го гранатираат овој тој трет по големина град во Либија.
Според лекарот во главната градска болница во Мисрата, Калед Абу Фалга меѓу загинатите околу 80 отсто се цивили.
Изминатата недела драстично се зголеми бројот на ранети со прострелни рани на главите кои се примени во болницата. Во истиот период, зголемен е и бројот на ранети од касетни бомби, поради што хирурзите направија многу ампутации, рече Абу Фалга.
Организацијата за заштита на човековите права „Хјуман рајтс воч“ неодамна соопшти дека има докази оти силите на Гадафи фрлале касетни бомби во станбени реони во Мисрата.
Портпаролот на либиската Влада Муса Ибрахим ги отфрли ваквите обвинувања, нагласувајќи дека сака да види докази за тие тврдења.