Вашингтон, 4 мај 2011 (МИА) - Претседателот на САД Барак Обама донесе одлука да не бидат објавени снимките од операцијата на американските специјални сили во Пакистан и убиството на лидерот на терористичката организација Ал Каеда Осама бин Ладен.
Обама ја објави таквата одлука во интервју за американската телевизија Си Би Ес.
Белата куќа се најде под притисок да ги покаже снимките како доказ дека Бин Ладен е мртов. Портпаролот на американскиот претседател Џеј Карни вчера изјави дека прашањето се уште се разгледува, бидејќи сликите се вознемирувачки и може да предизвикаат немири во некои делови од светот.
Републиканецот Мајк Роџерс, претседател на комисијата за разузнавање на Претставничкиот дом на Конгресот на САД предупреди дека објавувањето на снимките од убиениот Осама бин Ладен може да ја загрози безбедноста на американските војници во Авганистан и други места.
- Приврзаниците на „теоријата на заговор“ и онака нема да бидат убедени дека Бин Ладен е мртов, истакна тој.