Ташкент, 14 јуни 2011 (МИА) - Либискиот лидер Моамер Гадафи, во разговор со претседателот на Меѓународната шаховска федерација (ФИДЕ) Кирсан Иљумзинов изрази подготвеност на разговор со НАТО и со бунтовниците, но воедно ја отфрли можноста за поднесување оставка.
Рускиот ексцентричен милијардер Иљумзинов, изјави дека Гадафи рекол оти „е подготвен на итни разговори со раководството на НАТО и со претставниците на Бенгази за иднината на земјата“.
Тој, меѓутоа, тоа го услови со прекин на воздушните напади на неговата земја.
Гадафи исто така истакна дека не планира да ја напушти Либија и подвлече дека тоа е негов дом и земја во која починале неговите деца и внуци.