Стокхолм, 4 октомври 2011 (МИА) - Нобеловиот комитет денеска соопшти дека нема да ја промени одлуката за доделување на наградата за медицина или физиологија на канадскиот научник Ралф Стејнман, иако тој починал три дена пред објавувањето на добитникот, а парите од наградата ќе бидат дадени на неговото семејство.
Стејнман заедно со генетичарот Брус Бојтлер и францускиот биолог Жил Офман ја добија Нобеловата награда, вредна 1,5 милиони долари за истражување на имунолошкиот систем.
Според правилата одредени во 1974 година, Нобеловата награда не може да биде доделена постхумно, освен доколку лауератот не почине по објавувањето на добитникот.
Стејнман почина на 30. септември, но членовите на комитетот не знаеле за неговата смрт во моментот на одлучување на добитникот на наградата.
- Ситуацијата која настана е единствена и колку што сме запознаени тоа се нема случено во историјата на доделувањето на Нобеловата награда, се наведува во соопштението на комитетот.
Портпаролката на комитетот Аника Понтикс изјави дека парите ќе бидат префрлени на неговата сметка и дека семејството ќе одлучи што ќе направи со истите.